Invitation for businesses to participate during the Verdala International School career week
10 January 2025
Verdala International School in Pembroke is currently planning to host a career week for Grade...
Laqg’a ta’ Konsultazzjoni: Is-Servizzi u t-Trasparenza Finanzjarja tal-Portijiet
17 November 2013
Il-MEUSAC,
flimkien mal-Ministeru għat-Trasport u Infrastruttura, se jorganizza sessjoni
ta' konsultazzjoni fuq Proposta għal Regolament li jistabbilixxi qafas fuq
l-aċċess għas-suq għas-servizzi portwarji u t-trasparenza finanzjarja
tal-portijiet. KUMM(2013) 296.
Din
il-konsultazzjoni ser tiffokka l-iktar fuq:
Il-bżonn li jiġu żviluppati konnessjonijiet taż-żoni interni li
huma identifikati sew bħala sfida importanti u dan diġà huwa indirizzat permezz
tal-politika tat-TEN-T.
Tliet kwistjonijiet li jistgħu jżommu lis-servizzi portwarji
milli jkunu organizzati bl-aħjar mod: (i) pressjoni kompetittiva dgħajfa li
huma suġġetti għaliha ħafna mis-servizzi portwarji minħabba r-restrizzjonijiet
fuq l-aċċess għas swieq; (ii) monopolji jew oligopolji li jistgħu jwasslu għal
abbużi tas-suq; u (iii) piżijiet amministrattivi żejda marbuta mal-użu ta' dawn
is-servizzi f'ċerti portijiet, minħabba nuqqas ta' koordinazzjoni fi ħdan
il-portijiet.
L-investimenti
meħtieġa biex il-kapaċitajiet portwarji jiġu adattati għall-ħtiġijiet li qed
jinbidlu huma possibbli biss f'qafas politiku u regolatorju stabbli li jnaqqas
l-inċertezzi ekonomiċi u li jiżgura kundizzjonijiet ekwi.
Din il-laqgħa
ta' konsultazzjoni ser issir nhar l-Erbgħa, 27 ta' Novembru 2013, bejn l-10.00
u nofsinhar, ġewwa Dar l-Ewropa, 254 Triq San Pawl, il-Belt Valletta.
Biex
tirreġistra, inti ġentilment mitlub tibgħat email fuq l-indirizz
elettroniku , sa mhux aktar tard minn nofsinhar
tat-Tlieta,
26 ta' Novembru.
