SME Chamber President meets MDB Officials
22 April 2024
Malta Chamber of SMEs President Mr Paul Abela met MDB Chairman Leo Brincat and CEO...
L-Iffirmar tal-MOU fil-qasam tal-Energija bejn Malta u c -Cina jawgura tajjeb
16 September 2013
Il-GRTU tifraħ lill-Prim Ministru, lill-Ministru Konrad Mizzi u d-delegazzjoni li jinsabu ċ-Ċina ghall-akkwist li għamlu f’isem Malta fejn issalvagwardjaw l-intenzjoni taċ-Ċina li tinvesti b’mod sostanzjali fil-qasam tal-enerġija f'Malta. Dan jinkludi, investiment dirett fl-Enemalta u l-possibiltà li titwaqqaf kumpanija li tgħaqqad il-panelli solari Ċinizi għall-Ewropa f'Malta u li Malta tintuża bħala ċentru minn fejn iċ-Ċina tagħti servizzi lill-power stations li għandha fil-Mediterran.
Dan hu pass pożittiv hafna fil-fehma tal-GRTU. Il-GRTU tirrikonoxxi liċ-Ċina bhala suq importanti hafna għal Malta u l-GRTU mhux biss tinkoraġġixxi izda wkoll tappoġġja lill-intraprizi Maltin li jahdmu ma’ kumpaniji Ċinizi. Dan għaliex iċ-Ċina toffri hafna opportunitajiet ta` tkabbir għan-negozji Maltin. Il-GRTU fil-fatt riċentement anke assistit grupp ta` imprendituri Maltin biex jippromwovu l-prodotti tagħhom fiċ-Ċina, bl-assistenza tal-Malta Enterprise.
L-investiment li ser isir għandu jwassal għal tnaqqis fil-piż li jirrapreżenta d-dejn ta` l-Enemalta li fl-aħħar mill-aħħar qed jitħallas ukoll mit-taxxi li jhallas kull wieħed minnha.
Rigward il-punti ta` l-enerġija rinovabbli l-GRTU ilha tirsisti ghal possibilita ta’ assemblagg ta’ panelli fotovoltajici f’Malta, u qeda wkoll f’diskussjonijiet mal-ministeru sabiex dan is-settur jinghata spinta il-quddiem. Għalekk tappoġġja kull investiment li jista` jiġi f’dan ir-rigward.
L-investiment għandu jwassal ukoll għal ħolqien ta` postijiet ġodda ta` xogħol. Il-GRTU għalhekk tappella lill-Gvern biex jinvesti aktar fir-riżorsi umani tagħna fejn jidħlu ħiliet tal-ħaddiema tagħna relatati ma’ xogħolijiet fis-settur tal-enerġija effiċjenti sabiex meta ikun hawn opportunitajiet bħal dawn nutilizzaw il-ħaddiema ikkwalifikati tagħna.
