SME Chamber President meets MDB Officials
22 April 2024
Malta Chamber of SMEs President Mr Paul Abela met MDB Chairman Leo Brincat and CEO...
Is-shab socjali jiddiskutu d-demerger tal-MEPA
04 April 2014
Matul il-laqgħa li saret tal-Kunsill
Malti għall-Iżvilupp Ekonomiku u Soċjali ġie diskuss il-futur tal-MEPA u kif
din se tkun qiegħda tinqasam f'parti li tħares l-ambjent u parti
għall-iżvilupp.
Il-Ministru għad-Djalogu Soċjali,
Affarijiet tal-Konsumatur u Libertajiet Ċivili Dr Helena Dalli fetħet il-laqgħa
u qalet li hemm bżonn bilanċ bejn l-iżvilupp, l-ekonomija u l-ħarsien
tal-ambjent, filwaqt li għandha tingħata importanza lis-sostenibbiltà.
Is-Segretarju Parlamentari għall-ippjanar u
Simplifikazzjoni
Amministrattiva Michael Farrugia semma li l-għan prinċipali ma kienx
biss
it-twaqqif ta' dawn l-awtoritajiet imma li jiġu simplifikati l-proċessi
tal-applikazzjonijiet għal żvilupp billi tinħoloq one stop shop u li
l-klijent ikun moqdi b'servizz aħjar u mhux joqgħod jiġri minn
post għall-iehor.
Issemma wkoll
il-kunċett ta' fast
track għal
dawk l-applikazzjonijiet li jkunu konformi mal-policies, pjanijiet
lokali u numru ta' kundizzjonijiet oħra stipulati f'dan il-process.
Għall-ewwel darba fuq il-planning board se jkun hemm rappreżentant tal-Awtorità
tal-Ambjent u Riżorsi, rappreżentant tal- NGOs u f'kazijiet ta' żvilupp ta'
ċertu entità l-Kunsill Lokali ta' dik il-lokalità jkun rapprentant u jkollu vot.
L-entitajiet kollha konsultattivi
fil-proċess tal-applikazzjinjiet se jkollhom id-dritt illi jappellaw quddiem
Tribunal Indipendenti minn deċiżjonijiet tal-Planning Board jew Planning
Commision.
