Press Release: Malta Chamber of SMEs welcomes launch of direct flights to New York
17 September 2025
The Malta Chamber of SMEs welcomes the positive news that direct flights between Malta International...
Il-GRTU titlob lill-Ministru ghat-Trasport jikkonsidra jerġa’ ddawwar it-traffiku ġewwa ċ-Centru tal-Mosta ghal kif kien qabel l-1996
31 May 2016
L-GRTU dejjem poġġiet bħala prijorita’ fuq il-programm tagħha l-iżvilupp tal-lokalitajiet bħala fonti ta’ ħolqien ta’ impjieg u avvanz ta’ attivita’ ekonomika. Il-GRTU qiegħda taħdem kontinwament mall-Malta Tourism Authority, Transport Malta, Kunsilli Lokali u s-sidien tal-intrapriżi fil-lokalitajiet bil-ghan li jinħolqu attrazzjonijiet ġodda sabiex niġbdu aktar xogħol lejn il-lokalitajiet.
Aktar kmieni dan ix-xahar is-Sur Paul Abela, President tal-GRTU flimkien mas-Sur Joseph Zerafa, r-rapprezentant ghan-negozzjanti Mostin iltaqghu mas- Sur Edwin Vassallo, Sindku tal-Mosta waqt laqgha organizzata ghan-negozzjanti Mostin. Waqt din l-laqgha gew diskussi diversi issues fosthom li s-sistema tat-traffiku terga tigi lura kif kienet fl-1996. L-arranġament wara l-1996 kellu mpatt qawwi fuq is-sidien tant li f’survey li l-GRTU kkummissjonat dak iż-żmien irriżulta li l-bejgħ kien niżel b’50%.
Il-GRTU żammet diversi laqgħat mal-Kunsill Lokali li dak iż-żmien wasal għal din id-deċiżjoni sabiex issib l-aħjar arranġament possibbli. Kienu għalxejn it-tentattivi li l-GRTU għamlet sabiex din id-deċiżjoni tiġi riversata għaliex f’temp ta’ ftit xhur din is-sistema ġiet introdotta u għadha sal-llum fis-seħħ.
Il-GRTU tħoss li l-Mosta hija wahda mill-lokalitajiet li l-aktar li rnexxew bħala ċentru kummerċjali u dan is-suċċess huwa raġuni mportanti għalhiex l-istandard of living tal-Mostin huwa fost l-għola f’Malta. Skont studji li saru dak iż-żmien mill-Kunsill jirriżulta li kienu jgħaddu ammont sostanzjali ta’ vetturi miċ-ċentru.
Għalkemm hafna mill-Mostin, bħal ħafna lokalitajiet oħra, jaqilgħu l-għixien tagħhom minn barra mill-Mosta, is-sidien tal-ħwienet, l-familji tagħhom u l-familji tal-impjegati tagħhom, jiddependu għal l-għixien tagħhom mis-suċċess kontinwu tal-Mosta bħala lokalita’ li tattira passing business dejjem akbar.
Għal dan il-għan l-GRTU qeghda titlob laqgħa mall-Ministru Joe Mizzi sabiex flimkien mall-entitajiet kollha nvoluti tasal f’kompromess li jkun ta’ benefiċċju għal partijiet kollha kkonċernati.
