SME Chamber President meets MDB Officials
22 April 2024
Malta Chamber of SMEs President Mr Paul Abela met MDB Chairman Leo Brincat and CEO...
Fażi ġdida fil-proġett ta triq’ il-Kosta
16 January 2015
Xogħlijiet sensittivi f’Kennedy Drive jitlestew qabel mistenni
Ix-xogħlijiet f’Kennedy Drive biex tinbidel is-sistema tad-drenaġġ bħala parti mill-proġett ta’ Triq il-Kosta, u li minħabba fihom it-triq kienet se tingħalaq kompletament għat-traffiku għal perjodu ta’ ġimgħa, tlestew qabel mistenni. Ix-xogħol kien jinvolvi t-tħaffir ta’ trinka biex jgħaddu mejnijiet kbar tad-drenaġġ f’fond ta’ kważi żewġ metri ‘l isfel mill-wiċċ tat-triq. Biex il-mejnijiet ikunu jistgħu jingħaqdu mal-bqija tas-sistema, u allura jaqsmu ż-żewġ karreġġjati, kien hemm il-ħtieġa li t-triq tingħalaq kompletament.
Il-ħaddiema tal-kuntratturi mqabbdin minn Transport Malta baqgħu għaddejjin bix-xogħol lejl u nhar sabiex ilestu kemm jista’ jkun malajr ħalli jitnaqqas l-inkonvenjent lill-pubbliku. Issa li x-xogħol jinsab lest, it-triq tinsab miftuħa mill-ġdid għat-traffiku.
Intant, l-aħħar partijiet mill-karreġġjati li kienu qed jiġu iffurmati matul dawn l-aħħar xhur, tlestew sal-ewwel saff ta’ asfalt u bdew jintużaw biex jgħaddi t-traffiku minnhom.
Fin-naħa ta’ ħdejn is-Salini, li hija l-aktar parti dejqa tal-proġett kollu, it-twessiegħ tat-triq qed isir bi proċess aktar kawt minħabba sejba ta’ diversi fdalijiet arkeoloġiċi li qed jiġu ssorveljati regolarment mis-Sovrintendenza Patrimonju Kulturali.
Għaldaqstant, għat-tliet xhur li ġejjin, it-traffiku li ġej minn Pembroke għal San Pawl il-Baħar xorta jrid jibqa’ jgħaddi min-naħa tal-Magħtab u jgħaddi mit-Telgħa t’Alla u Ommu.
Il-GRTU filwaqt li tirringrazzja lill-Onorevoli Mizzi, l-Pulizija, l-Kuntrattur, l-awtoritajiet u lil kull min ta’ s-sehem tieghu sabiex x-xoghol jitlesta qabel l-hin, tinforma lill- membri taghha dawk specjalment li jaghtu s-servizzi u xoghlijiet ohra u gejjien min naha ta’ Pembroke ghal San Pawl li ghat-tlett xhur li gejjien jghaddu min naha tal-Maghtab ghat-Telgha t’Alla u Ommu.
Il-GRTU tiehu l-opportunita’ sabiex tirringrazzja lil Ministru ghat-Trasport ghall-opportunita’ li jtiena sabiex nippartecipaw ghal laqghat fejn jidhol Traffic Management.
