Azzjoni f’waqtha kontra n-negozju illecitu

Vince Farrugia –

Il-GRTU tesprimi s-sodisfazzjon tal-membri taghha ghal azzjoni f'waqtha li ttiehdet biex it-Taljan li dahal u qabad ibiegh fid-Dwejra Ghawdex twaqqaf mal-ewwel u ttellgha l-Qorti. Fil-laqgha li l-GRTU kellha mas-Segretarju Parlamentari l-Onorevoli Dr Jason Azzopardi, il-Kunsill tal-GRTU insista li ghandu jkun hemm aktar enforcement. F'dan ir-rigward dan ghandu jkun aktar immedjat biex l-abbuzi li qed isiru ta' negozju illecitu jinqatghu.

Il-bejgh ta' prodotti bieb bieb u l-bejgh fit-toroq minn barranin u anke minn xi Maltin, flimkien mal-ammont ta' xoghol li diehel bil-Catamaran li mhux kopert bil-permezzi mehtiega ghandu jitwaqqaf kollu. Il-GRTU ilha ssostni li hemm hafna xi jsir u mhu veru xejn li ma jistghux jittiehdu l-ebda passi mmedjati.

Bis-sahha tal-GRTU l-Gvern biddel il-ligi biex illum l-Awtoritajiet ghandhom is-sahha li jwaqqfu u li jiehdu passi kontra kull min jabbuza. Illum ghandhom is-sahha li jwaqqfu lil kull min igorr il-merca jew jikkummercja u jgaluh juri d-dokumentazzjoni li turi l-provenzja tal-oggetti u l-awtorita li ghandu li jgorru jew ibieghu. Ghalhekk il-kummerc illegali li jezisti qed isir ghaliex l-ufficjali pubblici nkarigati mill-enforcement m'humiex qed jiehdu l-passi mehtiega kif huma obbligati li jaghmlu skond il-ligi.

Il-GRTU tkompli tappella lil Gvern u b'mod partikolari l-Onorevoli Segratarji Parlamentari Dr Jason Azzopardi u Dr Chris Said u lil l-Onorevoli Ministri Dr Carmelo Mifsud Bonnici u Tonio Fenech biex jizguraw li l-kummerc illecitu jinqatgha b'azzjoni mifruxa ma' Malta kollha u immedjata. Hu importanti li l-Ministri u s-Segretarji Parlamentari ikunu aktar vigilanti biex jizguraw li tieqaf il-mewga serja ta' negozju illecitu li hu kawza mhux biss ta' telf ta' negozju ghal hafna negozji zghar imma wkoll ta' telf kbir ta' taxxi lil Gvern.

Il-GRTU tappella wkoll lis-sidien ta' negozji u lil konsumaturi biex jaghtu huma wkoll sehemhom billi jirrapurtaw mal-ewwel kull kaz li jaraw ta' abbuzi ta' kummerc illecitu. Il-GRTU minn naha taghha qed toffri l-koperazzjoni kollha lil awtoritajiet u tappella lil dawk kollha li jiltaqghu ma' kazi ta' negozju illecitu biex jinfurmaw lil GRTU.